Семейде масс - медиа қызметкерлері арасында шахмат пен дойбыдан турнир өтті. Сайыс Қазақстан Республикасы Журналистер одағы Абай облыстық филиаланың бастамасымен ұйымдастырылды. Жарысқа «17 ақын елі» қоғамдық қоры демеуші болды.
Қазақстан журналистер одағы Абай облысындағы филиалы құрылғалы журналистер арасында түрлі шараларға ұйытқы болуда. Радио қызметкерлері күніне орай медиа саласының өкілдері арасында шахмат пен дойбыдан облыстық турнир өткізді. Қазақстан журналистер одағы Абай облысындағы филиалы интеллектуалды ойынды «17 ақын елі» қоғамдық қорының демеушілігімен ұйымдастырды.
Бектұрсын Зікібаев - Абай облыстық «Semei» телеарнасы директорының орынбасары
Қазақстан Журналистер одағы Абай облысы филиалының төрағасы Хасен Советханұлының бастамасымен біздің өңірде масс медиа қызметкерлері үшін түрлі мәдени бұқаралық іс-шаралар өтуде. Радио қызметкерлері күніне орай шахмат және дойбы бойынша турнирлер ұйымдастырылды. Осы мүмкіндікті пайдалана отырып «17 ақын елі» қоғамдық қорына демеушілік көрсеткені үшін алғыс білдіргім келеді.
Асхат Құлиманов – «17 Aqyn eli» қоғамдық қорының құрылтайшысы, төрағасы
Журналистермен танысып жатқанымыз жай емес. Болашақта әртүрлі көкейде жүрген ой бар, жоспарларымыз бар. Алаштың астанасы болғаннан кейін, алаш азаматтары жалпы тыс қалмау керек. Бұрыннан игі істің төңірегінде журналистер қауымдастыға әрдайым жанын табыла білуі керек.
Жарысқа қатысушыларға халықаралық дәрежедегі кәсіби төреші баға берді. Ойыншылар мұндай танымдық басталамар жиі ұйымдастырылса, деген ниет білдірді.
Қайрат Ахмер – ҚР журналистер одағының мүшесі
Өте тамаша болды. Дойбыда спорт өнерлерінің біріне жатады. Бала күнімнен спортқа әуес едім. Азаматтармен дойбы сайысына түсп жатырмын. Көңіл күйде керемет. Осыны ұйымдастырып датқан журналситер одағына да алғысым шексіз.
Сәтжан Кәріпбаев – «Qaz365.Kz» сайтының меншікті тілшісі
Шахмат пен дойбыдан өткен сайыста бағым жанып біріші орын алғаным мен үшін зор қуаныш болды, әрине. Ең бастысы әріптестер арасындағы ынтымақтастық.
Байқау қорытындысы бойынша шахмат және дойбы жарыстарынан үздік деп танылған ойыншыларға ақшалай және естелік сыйлықтар табысталды.