1965 жылдың 1 қыркүйегінде Семей телестудиясының алғашқы ресми көрсетілімі эфирге шықты, бұл оқиға «SEMEI» телеарнасының және ел тарихындағы айрықша оқиға болды. Жыл сайынғы республикалық фестивальдерге, телетілдесулерге (телеперкличка) қатысу, салалық редакциялар үшін бағдарламалар дайындау студияны үздіктердің қатарына қосты. Телестудия  Алғашқылардың бірі болып  бейнемагнитофондар жинағын алды, өткен ғасырдың 80-жылдарында түрлі-түсті хабар таратуға көшті, студия ішіндегі телевизиялық бірлестіктердің жұмысында шаруашылық есеп тәжірибесін енгізді.                      

1990 жылдары «S-VHS» бейне өндірісіне көшу жүзеге асырылды. Билікпен және бизнеспен серіктестік  бейнежазбалар мен монтаждарға арналған «Betacam» жабдықтар жиынтығымен жабдықталған жалғыз аймақтық студияға айналуға мүмкіндік берді. Жаңа экономикалық саясат арнаның нарық қатынастарын өз қызметінде сынап көруіне мүмкіндік берді. Телеарна 57 жыл бойы, қазақ және орыс тілдерінде тәулігіне 14 сағат бойы үздіксіз хабар таратады.                                                         

Қазіргі заманғы талаптарға сәйкес әр бағдарламаның стилистикасы мен дизайнын жақсарту бойынша тұрақты жұмыс жүргізілуде. Көрермендер 20-ға жуық циклдық, тақырыптық бағдарламаларды көре алады. Телебағдарламалар мен жаңалықтар ауқымды техникалық жаңғыртудан кейін Full HD форматында жазылады.

Қазіргі уақытта «Semei» телеарнасының студиялық павильондары толығымен жаңартылды. Техникалық жабдықтар жақсаруда: 4 К форматында жазуға мүмкіндік беретін жаңа камералар, мобильді бейне студия, квадрокоптер, стедикам жүйесі және тағы басқа қажетті құрылғылар алынды.

Қолда бар жылжымалы телевизиялық спутниктік станция (ТСС) және онымен тиімді жұмыс істей алатын кадрлық әлеует - жоғары деңгейлі кездесулермен, республикалық және жергілікті маңызы бар телекөпірлерді талапқа сай түсіруге  мүмкіндік береді. 

2019 жылғы байқау нәтижелері бойынша телеарна өңірлік мультиплекске енгізіліп,  өз тарихында алғаш рет цифрлық форматта эфирлік хабар таратуды бастады. Телеарна «Alma TV», «Семсат ТВ» жергілікті кабельдік операторларының пакеттерінде хабар таратуда. Арнамыз «ID TV» желісінде ұсынылған. 2022 жылдан бастап бүкіл Қазақстан бойынша «Otau TV» спутниктік желісінің абоненттеріне қолжетімді. Өз сайтында хабарларды онлайн көруге болады. (semeitv.kz). 

Біздің көптеген қызметкерлеріміздің еңбегі Мемлекеттік марапат, Қазақстан Республикасы Президентінің, «Қазақстан» РТРК « АҚ Құрмет грамоталарымен, Абай облысы әкімінің, Семей қаласы әкімінің дипломдарымен, республиканың қоғамдық ұйымдарының көптеген алғыс хаттарымен марапатталды.

Танымал әлеуметтік желілерде ресми аккаунттары бар. Жазылушылар санының тұрақты және серпінді өсуі жүргізіліп жатқан эфирлік саясаттың өзектілігін көрсетеді.

2022 жылдың маусымында телеарна «Тұмар» ұлттық сыйлығына ұсынылған 4 үздік аймақтық телеарнаның қысқа тізіміне енді, ал 2022 жылдың қыркүйегінде облыстық телеарна мәртебесін қалпына келтірді. Телеарна хабар тарату сапасын және медиа нарықтағы бәсекеге сай болу үшін ізденуде.