Абай атындағы облыстық әмбебап кітапханасында қала тұрғындарын кітап оқуға тарту, көркем әдебиетке деген құштарлығын арттыру мақсатында «Kitap Time-2024» III жалпы республикалық кітап фестивалі өтті. Кітап көрмесі, шеберлік сағаттары, қыл қалам шеберлері мен қолөнершілердің туындылары қойылған қызықты шараға оқушылар мен студеттер белсене қатысты.
Кітап- алтын қазына. Қаламызда өткен «Kitap Time-2024» III жалпы республикалық кітап фестивалі қала тұрғындарының кітап оқуға деген қызығушылығын арттыру, өскелең ұрпақтың рухани-адамгершілік білімін еселей түсуге, мәдени құндылықтармызды насихаттауға бағытталды.
Гүлмира Аязбаева- Абай атындағы кітапхана директорының орынбасары
Еліміздегі әріптестеріміздің барлығы бір уақытта осы акцияны бастап тұрғындарды кітап оқуға тарту мақсатында түрлі іс-шараларды ұйымдастырып отыр. Бізде кітапханамыз, өзіміздің қорымыздағы барлық кітаптарды, біздің жеріміздегі жерлестеріміздің шығармаларын насихаттау мақсатында, қаламгерлеріміздің кітаптарын алып шығып, одан кейін біздің қаламыздағы қол өнер шеберлерінің, суретші біздің таланттарымыздың барлық туындыларын алып шығып біздің өзіміздің оқырмандарымызға таныстырып отырмыз.
Фестивальге зиялы қауым өкілдері, ақын-жазушылар, мәдениет қайраткерлері, студенттер мен оқушылар қатысты. Оларға арнап қолөнер шеберлерінің туындылары, кітап, сурет көрмесі, түрлі шеберлік сағаттары ұйымдастырылды.
Рима Қанапияқызы- Дамыту бөлімінің маманы
Біздің кітапханамызда Абай жолы кітапханасы топтамасымен шыққан кітаптар таныстырылымы, Семей ақын,жазушыларының кітап көрмелері,балаларға арналған Балалар шатыры жұмыс жасап тұр, онда әртүрлі шеберлік сағаттары және үлкендерге де арналған шеберлік сағаттары әр тақырыпта өткізіледі.
«Kitap Time-2024» фестивалінің аясында «Ауылға 100 кітап» жобасы ұйымдастырылды. Кітапхана Абай ауданы мен Қайнар өңірінен келген оқырмандарға кітап сыйлады.