Мемлекет басшысы ішкі істер министрлігінің кеңейтілген алқа отырысын өткізген болатын. Іс-шара барысында аумақтық полиция департаменттерінің басшыларына Құқықтық тәртіп сақшысының жұмысын жақсарту бойынша бірқатар міндеттер қойылды. Президенттің тапсырмалары қалай орындалатыны жөнінде тілшіміз тарқатады.
Отырысқа Президент Әкімшілігі мен бірқатар мемлекеттік органдардың басшылығы, өңір әкімдері мен ішкі істер министрлігінің алқа мүшелері, орталық аппараттың басшылық құрамы және аумақтық полиция департаменттерінің басшылары қатысты. Қасым-Жомарт Тоқаев полицияның елдегі тәртіпті қамтамасыз етуде маңызды рөл атқаратынын атап өтті. Отбасылық-тұрмыстық зорлық-зомбылықтың алдын алуға ерекше назар аудару қажет, оған сәйкес жақын арада қылмыстық Кодекске тиісті түзетулер енгізілетін болады.
ҚАСЫМ-ЖОМАРТ ТОҚАЕВ-ҚАЗАҚСТАН РЕСПУБЛИКАСЫНЫҢ ПРЕЗИДЕНТІ
Ішкі істер министрлігі қызметкерлерді жаңа жұмыс форматына көшуге алдын-ала дайындауы керек. Осы тұста құқық қолдану практикасында бұрын болған барлық мәселелерді ескерген жөн. Сонымен қатар, кәмелетке толмағандардың құқықтарын қорғау жүйесі жаңартуды қажет етеді. Үкіметке аталған жұмысқа жан-жақты қарап, оған азаматтық қоғам институттары мен сарапшыларды тарту міндеттеледі.
Президент полиция қызметкері халыққа үлгі болуы керек дейді. Сондай-ақ, Мемлекет басшысы интернет-алаяқтыққа қарсы күресті күшейту қажеттігін атап өтті. Біз Президенттің тапсырмасын орындау аясында қаламыздың полицейлері қандай жұмыстар жүргізіп жатқанын білуді шештік.
ҚАЙРАТ ӘБДІҒАЛИЕВ-СЕМЕЙ ҚАЛАСЫ ПОЛИЦИЯ БАСҚАРМАСЫНЫҢ БАСТЫҒЫ
Ішкі істер министрлігі киберқылмыстарға қарсы күрес жөніндегі бағдарламаны әзірледі және бекіткен болатын. Ол іске асыру үшін арнайы орындарға бағытталды. Іс-шара аясында алдын алу шаралары жоспарланған. Сондай-ақ, өткен жылы облыс орталығының аумағында Киберпол пилоттық жобасы құрылғанын атап өткім келеді. Бұл орган интернеттегі алаяқтықты тергеу және ашумен айналысады.
Өткен жылы Семей қаласының 800-ге жуық тұрғыны интернет-алаяқтықтың құрбаны болды. Олар алаяқтарға 128 млн теңгеден астам ақша беріп, алданып қалған. Қылмыстың бұл түрін ашу қиынға соғады. Себебі оларды біздің мемлекет төңірегінен тыс адамдар жасайды. Сондықтан интернет алаяқтықтың алдын алуға ерекше назар аударылып отыр. Сондай-ақ, отбасылық-тұрмыстық зорлық-зомбылыққа қарсы іс-қимыл бойынша да жұмыстар жүргізілуде.
ҚАЙРАТ ӘБДІҒАЛИЕВ-СЕМЕЙ ҚАЛАСЫ ПОЛИЦИЯ БАСҚАРМАСЫНЫҢ БАСТЫҒЫ
Отбасылық-тұрмыстық қатынастар-бұл полиция жұмысының басым бағыттарының бірі. Біз өткен жылдан бастап өтініш берушіден тұрмыстық құқық бұзушылықтарды тіркеуді анықтау сипатына көштік. Отбасылық дебоширлерге қатысты жазалар күшейтілді. Қазіргі уақытта Министрлік отбасылық-тұрмыстық қатынастардың алдын алу және тергеумен айналысатын мамандандырылған бөлімше құру мәселесін пысықтауда.
Президенттің алға қойған міндеттерін іске асыру үшін кәсіби кадр резерві қажет. Осыған байланысты Қазақстан Республикасының ІІМ орта буынның басшы құрамын кезектен тыс аттестаттауға дайындалуда. Басты мақсат-жеке құрамды жұмысқа қабілетсіз және қызметіне адал емес басшылардан тазарту.
ЖҰЛДЫЗАЙ МАРАТҚЫЗЫ