Семей қалалық іші саясат бөлімі, «Әділдік және өркендеу», сонымен қатар,«Білгенге маржан» қоғамдық қорының ұйымдастыруымен «Еңбек күні» мерекесі аясында «Еңбекші жастар-2024» фестивалі өтті. Толығырақ тілші бейнематериалында. «Еңбекші жастар-2024» фестивалі 3 күндік бағдарламадан тұрды. Бірінші күні қатысушылар арасында шағын футболдан жарыс өтсе, келесі күні кәсіби шеберлік, отбасы құндылықтары тақырыптарында семинар-тренинг ұйымдастырылды.
Ерасыл Өмірәлінов – «Білгенге маржан» ҚҚ атқарушы директоры
Бұл фестивальдің мақсаты- ауқымды қала ішіндегі барлық еңбекші адамдарын бағалаған еңбекші адамдар, яғни әр салада жұмыс жасап жүрген кісілерді қамтып, ол салдағы маңызы, ол кісілердің қандай орын алатындығы түсіндірілген. Келер жылы бізде еңбек адамы жылы қойылған. Сол жылға мақсатында еңбек адамының деңгейін көтеру үшін ол кісілерге осындай тренингтар жүргізіп жатырмыз, жұмстар өткізілуде және де фестиваліміз ауқымды, көптеген құнды мағлұматтарды қамтыған.
Елдар Мақсұтов- Семей қаласы жастар ресурстық орталығының директоры
Жалпы бүгінгі Еңбекші жастар фестивалі міне 6-шы рет қатарынан дәстүрлі түрдек өтіп жатыр. Алдында президентіміз Қасым-Жомарт Тоқаев келесі жылы Еңбекші мамандықтар жылы деп жариялаған болатын. Енді біздің өткізіп жатқан шарамыз, келесі жылы да өзекті болып, жалғасын табатын болады.
Фестиваль еңбекші жастардың бос уақытын тиімді өткізуіне, пайдалы ақпаратпен бөлісіп, түрлі салада білімдерін арттыруға, сондай-ақ қоғам алдында олардың мәртебесін көтеруге бағытталған. Жас болғанына қарамастан тынбай еңбек етіп жүрген жастардың бірі Олжас Көкенов. Жасы 20-да. Ол Семей цемент зауытының заңгері.
Олжас Көкенов- «Семей Цемент зауыты» өндірістік компания заңгері
Бұған дейін бізге арналып түрлі спорттық іс-шаралар өткізілді. Семинар тренингте зауыттың, түрлі өндірістік ұйымдардың жас қызметкерлері үшін маңызды ақпаратпен бөлісті. Мұндай іс-шаралар ҚР өндірістік инфрақұрылымының дамуына өте жақсы әсер етеді.
Қорытынды марапаттау кеші мерекелік концертпен жалғасты. Алдағы уақытта еңбекші жастарды қолдау мақсатында түрлі танымдық шараларды дәстүрге айналдыру жоспарлануда.