Бүгін Қазақстанда Мемлекеттік рәміздер күні атап өтілді. Мерекеге орай Семей қаласының орталық алаңында салтанатты жиын өтті. Шарада мыңнан астам қала тұрғыны Қазақстанның әнұранын орындады. Жыл сайын 4 маусымда Қазақстан Республикасының Мемлекеттік рәміздері күні атап өтіледі. Әрбір нышан терең тарихи мәнге ие, бізді ғасырлар бойғы дәстүрлер мен мәдени жетістіктермен байланысты. Біздің Ту, Елтаңба және Әнұран өткен тарихтан сыр шертіп, жарқын болашаққа шабыттандырады. Бұл мерекенің маңыздылығын облыс тұрғындары да жақсы біледі. Абай облыстық ішкі саясат басқармасының басшысы Айдар Садырбаев әрбір қазақстандық біздің тәуелсіздігімізді көрсететін мемлекеттік рәміздерді бағалауы тиіс екенін атап өтті.
АЙДАР САДЫРБАЕВ – АБАЙ ОБЛЫСТЫҚ ІШКІ САЯСАТ БАСҚАРМАСЫНЫҢ БАСШЫСЫ
Семей қаласының орталық алаңында өткен шарада облыс және қала басшылығы,
мәслихат депутаттары, құқық қорғау органдарының өкілдері, мәдениет және спорт саласының мамандары, студенттер және басқа да қала тұрғындары қатысты. Олар еліміздің әнұранын бірге орындап, бірлік пен мақтаныш сезімін тудырды. Сонымен қатар әскери оркестр музыканттарының орындауында патриоттық әндер айтылды.
ОРАЛ ШӘРІПБАЕВ - ҚАЗАҚСТАН ХАЛҚЫ АССАМБЛЕЯСЫНЫҢ МҮШЕСІ
Бүгінгі өтіп жатқан іс-шарамыз – мемлекеттік рәміздер күні. Бұл тарихымыздың күні. Ең бастысы - тәуелсіздіктің тірегі, халқымыздың жүрегі, жастарымыздың рухы, осы мәңгілік елдің саясатын дамытатын рәміздеріміз бүкіл әлемге танытып жатқан рухымыз осы рәміздер болатын.
МҰРАТКАЗЫ АЛИН - АБАЙ ОБЛЫСЫ АРДАГЕРЛЕР КЕҢЕСІНІҢ ТӨРАҒАСЫ
Мемелекеттік рәмізіміз өзінің асқақтап тұра берсін, біз сол көк тудың астында жайқалып жүре берейік. Халыққа амандық, елге тыныштық, саулық тілеймін.
Біздің қаламызда жыл сайын ауқымды патриоттық флешмоб ұйымдастырылады. Бұл күні жастар арасында тақырыптық көрмелер, челлендждер және басқа да іс-шаралар өткізу дәстүрге айналған. Олар өскелең ұрпақтың бірлік рухын және патриоттық сезімін нығайтуға мүмкіндік береді.

АРУЖАН ТАУБЕКОВА