Халықтың құқықтық сауаттылығын арттыру және тегін заң көмегін көрсету мақсатында «Семей орманы» мемлекеттік орман табиғи резерватының қызметкерлерімен кездесу өтті. Резерват мамандарына Қазақстан Республикасы Конституциясының негізгі баптары жан-жақты түсіндірілді. Сондай-ақ ұйымдастырушылар жұмыс орындарында құқықтық мәдениетті қалыптастыру және сыбайлас жемқорлыққа қарсы тиімді жүйені енгізу мәселелеріне ерекше назар аударды. Мамандар мемлекеттік мекемелердегі комплаенс-бақылаудың негізгі мақсаты – жұмыс үдерістерінің ашықтығын қамтамасыз ету, заң талаптарын қатаң сақтау және тәуекелдердің алдын алу екенін атап өтті. Кездесуге қатысушылар өздерін қызықтырған құқықтық мәселелер бойынша білікті мамандармен кеңесті.