Отантай Кәрібжанұлының 80 жылдығы өзі еңбек еткен ұжымдарда аталып өтіліп келеді. Қазақстан Республикасының мәдениет қайраткері еңбек еткен мекеменің бірі Мұқан Төлебаев атындағы музыка училищесі. Оқу орны «Өнер шаңырақтарын өрге бастырған тұлға» атты кеш ұйымдастырып, Семей қаласының, Абай ауданының Құрметті азаматы Отантай Кәріпжанұлына құрмет көрсетті.
Отантай Кәрібжанұлы мәдениет, өнер және білім беру саласындағы еңбек жолын 1965 жылы бастады. 1999 жылдан 2011 жылға дейін Мұқан Төлебаев атындағы Семей музыкалық училищесінің директоры қызметін атқарды. Училищенің шығармашылық жағынан дамуына, кәсіби тұрғыда қалыптасуына үлесін қосты. Бүгінде шәкірттері мәдениет және өнер саласында еңбек етіп жүр.
Сайлауғазы Ахметов – М.Төлебаев атындағы музыка училищесінің директоры
Өскелен ұрпаққа бұл кісінің өткен жолдары өмірінің белестері тәрбие болсын деп, өйткені ағамыздың осы мәдениет және өнер саласына сіңірген еңбегі өте үлкен және де осы училищеміздің көптеген қазір елге танымал болып жүрген түлектеріне қолдау көрсетіп, кезінде енді үлкен ұстаздық етіп жүрген біздің ағамыздың еңбегі
Отантай Кәріпжанұлы қай салада болса да өзінің еңбекқорлығының арқасында ұжымды алға жетелеп, жаңа белестерді бағындыруға ұмтылдыра білді. Колледждегі жылдар оның еңбек жолы үшін ерекше.
Отантай Кәрібжанов – ҚР мәдениет қайраткері
Бұл колледжде 12 жыл жұмыс жасағанда көптеген жұмыстарды, оқу процесстері, колледждің материалдық базасы тағы да көптеген жұмыстар атқарылды. Кеше өзім осында оқып, алтын ұядан шығып, қанаттанып бүгін мінекей сол өзімнің колледжіме келіп, ұстаздар ұжымымен, студенттермен өзімнің ойымды, пікірімді бөлісуге келгеніме өте қуаныштымын бүгінгі менің кездесуімде болашақ жастарға, қазір оқып жүрген студенттерге менің өмір жолым, мен жасаған іс-шаралар сол келешек жастарға үлгі болады ғой деп ойлаймын.
Өзінің кәсібіне адал Отантай Кәрібжанұлы еңбек жолында көптеген мемлекеттік марапаттарды иеленді. «КСРО Мәдениет министрлігінің үздігі», «Құрмет» орденінің иегері, «Қазақстан Республикасының мәдениет қайраткері» төс белгілерімен, «Ерен еңбегі үшін» және өзге де медальдарды иеленді.
Алина Әзбергенова