Абай облысында жаңа кеңес құрылды

Абай облысында судьялыққа үміткерлерді іріктеуге қоғамдық бақылау орнататын жаңа кеңес жұмысын бастады. Кеңес облыстық сот жанынан құрылып, оның құрамына заңгерлер, жоғары оқу орындарының оқытушылары, прокуратура, нотариат және бұқаралық ақпарат құралдарының өкілдері кірді. Барлығы – жеті адам. Кеңестің басты міндеті – судья болуға үміткерлердің кәсіби және іскерлік қасиеттеріне объективті баға беру. Осы арқылы судьяларды іріктеу процесінің ашықтығын қамтамасыз ету көзделіп отыр.