Көкпекті ауданында ұлттық спорт жарысы «Көкпекті барысы - 2024» турнирі өтті. Боз кілемде ауданның мықты балуандары өнер көрсетті. Бұл сайыс жас спортшылардың шеберлігін арттыруды мақсат етеді. Толығырақ тілші материалында.
Дәстүрлі додаға ауданға қарасты ауылдық округтерден 9 команда қатысты. Әр топта 3 балуаннан бар. Көкпекті ауданының орталығындағы дене шынықтыру және сауықтыру кешенінде өткен жарысты тамашалауға спортшылар, облыстық мәслихат депутаттары мен аудан әкімі Әділет Нұрсағатұлы келген.
Әділет Қожанбаев – Көкпекті ауданының әкімі
Өздеріңіз білесіздер Көкпекті ауданында ұзақ болмаса да дәстүрге айналып келе жатқан «Көкпекті барысы» қазақ күресінен жарыс өтеді. Жылдан жылға жарыстың деңгейі де, жалпы барлық жағынан жан-жақты өседі деп ойлаймыз, соған сенеміз. Жастарымызға барлық жағдай жасалуда. Жаңағы жаттықтыру болсын, жарыстарға бару болсын, қатысуға барлық жағдай жасалған деп ойлаймын. Бұданда жағдай әрі қарай жақсы жасалады.
Жарыста төрешілер балуандарды жас ерекшеліктері мен салмақ дәрежелері бойынша үш топқа бөлді. 2010-2014 жылғы оқушылар 32, 38, 46 келі салмақта бақ сынаса, 2007-2010 жылғы спортшылар 50, 55 келіде сынға түсті. 18-35 және 35 жастан жоғары топтар бойынша да тартысты белдесулер өтті.
Арнұр Ринатұлы – «Көкпекті барысы» турниріне қатысушы
32 салмақ дәрежесінде өнер көрсетіп жатырмын. Қазіргі уақытта финалға жолдама алдым. Жарыс жоғары деңгейде өтіп жатыр. Жарыс маған қатты ұнады. Себебі, көптеген ауылдар келіп барыс жоғары деңгейде қатты өтіп жатыр.
Турнир барысында 5 Дүниежүзілік көшпенділер ойындарының жеңімпазы, қазақ күресінен халықаралық дәрежедегі спорт шебері Дидар Тұқышевқа автокөлік сыйға тартылды. Жарыс қорытындысы бойынша жеңімпаздар салмақ дәрежесі және аталым бойынша анықталды. «Көкпекті барысы - 2024» турнирінің жүлдегерлеріне жеңімпаздың белбеулері мен ақшалай сыйлықтар табысталды.