Аягөз ауданында стадион ашылды. Салтанатты шараға ҚР Футбол федерациясының президенті Әділет Барменқұлов, футболдан Қазақстан ұлттық құрамасының бас бапкері Станислав Черчесов және өзге де құрметті қонақтар қатысты. Қазақстан Футбол федерациясының басшылығымен қолға алынған «Алаң» бағдарламасы елімізде былтырдан бастап іске асуда. Қазақстанның футбол индустриясын дамытуды көздейтін бұл бастаманың берері мол. Жоба аясында ел бойынша 2024 жылы 10 футбол алаңы жаңартылады деп жоспарланған. Солардың қатарындағы Аягөз қаласындағы жаңа футбол алаңын салуға 172 млн теңге қаражат жұмсалды. Федерация президенті Әділет Барменқұловтың сөзінше, қазіргі таңда моноқалаларда футболды дамыту басты назарда.
Әділет Барменқұлов – ҚР футбол федерациясының президенті
Сөзден іске көшіп, Аягөз тұрғындарына бұқаралық футболға арналған жасыл алаңды арнап, беріп жатырмыз. Біздің мақсат салу ғана емес. Біздің мақсат – бұқаралық футболдың дамуы, балалар арасында жиі футбол додаларының ұйымдастырылуы. Алда осындай жұмыстар бар.
Спорт нысанының ашылу салтанатына Абай облысы әкімінің орынбасары Әділбек Мұсабаев қатысып, жергілікті тұрғындарды айтулы оқиғамен құттықтады.
Әділбек Мұсабаев – Абай облысы әкімінің орынбасары
Бүгні ауданымыздың спорттық өмірінде ерекше күн – жаңа футбол стадионының ашылуымен барлық Аягөз ауданының тұрғындарын шын жүректен құттықтаймын. Бұл стадион спорттық инфрақұрылымды дамытудың жарқын үлгісі және болашақ спортшыларымызға жасалған үлкен сый деп білеміз.
Футболдан Қазақстан ұлттық құрамасының бас бапкері Станислав
Черчесов те бұл күні Аягөздің қадірлі қонағы болды. Ардагер аяқдопшы жөндеуден өткен футбол алаңының жас өрен үшін үлкен мүмкіндік сыйлайтынын атап өтті.
Станислав Черчесов – Футболдан қазақстан ұлттық құрамасының бас бапкері
Задача старших руководителей делать возможности, чтобы молодежь росла. Вот, есть. С одной стороны смотрю, с одной стороны завидую. В мое время таких возможностенй не было. А вот сегодня есть. Вот футболисты молодые стоят, надеемся, что в скором времени мы их увидим в футболке сборной.
Жаңа стадион Аягөздегі футболдың дамуына тың серпін береді дейді тұрғындар.
Ахметқазы Жұмағазин – Аягөз ауданы ақсақалдар алқасының төрағасы
Бүгін біздің Аягөзде үлкен қуаныш болып жатыр. Орталық стадионымыз қайта жөңдеуден өтіп, біздің жас ұрпаққа осындай жағдай жасалып, келешекте олардың болашағына жол ашылып, үлкен футболист болуға, осы Аягөзде өскен Біржан Оразов сияқты ағаларының жолын қуақтындай жігіттердің шығуына үлкен стимул болатын жағдай болып жатыр.
Жергілікті жас спортшыларға футбол федерациясының атынан арнайы сый сияпат берілді. Жиын соңында дәстүрге сай футбол матчы ұйымдастырылды