Елдің дамуы әр өңірден басталады
Мемлекет басшысы Қазақстан халқына арнаған Жолдауында еліміздің одан әрі дамуына бағытталған ауқымды міндеттерді белгіледі. Онда инфрақұрылымды жаңғыртуға, әлеуметтік нысандар салуға және көлік-логистика жүйесін дамытуға ерекше назар аударылды. «Қазақстан біртұтас үлкен құрылыс алаңына айналуы керек», – деп атап өтті Президент. Бұл тек жаңа нысандар салу ғана емес, сонымен қатар өңірлердің экономикалық өсуіне жол ашу және халықтың өмір сүру сапасын арттыру үшін қолайлы жағдай жасау дегенді білдіреді. Бұл жоспарлар біздің өңіріміздің дамуына қалай әсер етеді? Тұрғындарды алдағы уақытта қандай өзгерістер күтіп тұр? Осы сауалдарды семейліктерге қойып, пікірлерін білдік.